Fasnachtssamstig

Text von Sandra Schmid

De Samschtigmorge esch de Start,
ine lange Fasnachtstag.

Zerscht stohts Brushe a nach Plan,
sBrushteam esch scho voller Elan.
Das Johr schaffe si wie de Blitz,
si hei fascht zvöu Pouse, das esch kei Witz.
De Mänu hed met em montiere vo de Proklamation e Chrampf,
mer luege ehm gfühlt stondelang zue bi dem Kampf.
Am Nomittag hei mer drü Uftritt of verschedne Plätz ir Stadt,
bevor den sgrosse Fotoshooting bir Martinschile fendet statt.
Zwösche de Uftritte hemmer no aneme traditionelle Pferderönne teilgnoh,
danke im Michi för de grosszügigi Apero.
Gruppefoti met ond ohni Maske, ond jede werd no einzeln blitzt,
hoffentlech heds de Fotiapparat ned öberhetzt.
Aschliessend semmer i Bornblick go zNachtässe,
es esch sehr fein gsi, das wärde mer ned vergässe.
Am Obe send de weder paar Uftritt ufem Programm gstande,
Publikum esch i grosse Mängi gsi vorhande.
Mer hei bim Musig mache gha vöu Spass,
bes mer de bim letschte Uftrett no sind worde nass.
De Räge hed aber bes fascht am Schluss gwartet,
mer send de grad is Bohèmehuus dorestartet.
Döt hei mer de üsi Instrumänt deponiert und offizielli Uflösig gha,
den send die einte hei und anderi send nochli i Räge go stah.
Leider esch de cool Samschtig scho verbi,
und mer send scho öber de Haubzyt gsi.